جريدة أحوال مصر
حكينا كلام كتير
مش مهم يتفسر
قلوبنا كانت بتسمع
لكل كلمة وتقدر
الرد كان بيوصل
يرفع راية السعادة
*********
ايدين كانت تطبطب
على القلب وتوعده
فى كل لحظة جاية
معاه وهــــ تسعده
مع انه كان مقرر
على الحب بزيادة
**********
كان فى ردود بتصدم
ماهى مش متوقعة
اصلها من قلب طيب
ودى اكبر شهادة
*********
قلوبنا بقت ضعيفة
من كتر ما مر بينها
و كلمة واحدة حلوة
تمسح وجع سنينها
يبقى لها جناح ترفرف
وتطير من السعادة
