جريدة أحوال مصر
انا مصري……
بسيط الحال
وبعشق رغم كل الضنك
غناوي العشق والموال …….
انا امي تنادي الفجر
صحصح فوق
وشيلا الرزق
ف مشنه وريحه السوق
وانا ابويا لحس كفه
انين الطين…….
بضرب الفاس
معبي الصبر ف جبينه
تشوف وشه ..
كما الخروب ..
يكون اسمه
سعات صابر….
ينادو عليه …
سعات ايوب ..
ميزان امي دا كان الحق … ..
ودعوة ابويا بردانه
ومحبوسه.
داخل باطه
زعق كفه علي كفه
يسرسب قهر
وراح لملم
خرز سبحه ترجعله
عيدان الصبر
وجوا ضلوعه
بيشعلق
هموم الفقر
.ومين شافه
بيفرط همه ف الركعه
وف السجده
بعييييد ع البحر..
تشوف ضله
تلاقي الشمس محميه
تشوف وشه
تلاقي الضحكه منسيه
تشوف انسان ومتصبر
تنادي عليه
حبال الصبر
وتبعت روحه ف الموال
كلام يتقال
الي اخر حدود عمره ….
.شديد أمره
فقير للحد
ولسه البسمه
منسيه
شقوق الارض مرويه
تبوس ايده
ومحراته يفك الخط
وراح يكتىبها …… مصريه.
وانا زيك يأرض الجد
ماقلت لحد عن وجعي
عروقي شيله كبشه طل
عشان ف الفجر
ترش الحب لترابي
فيطرح صدق لكلامي
وامي تحن …….
تخبي الضله لما ارجع
ف لفح الشمس
اشوف الامس ف عيونك
بلاش اللوم انا راضي
بعزة نفس …انا مصري
