يوميات صائم

داخل خارج عمال ينفُخ
قالب وشه أوى وزهئان
اخَبَطْ ارقع وكمان كسر
وماشى يخانق فى الدبان
تسأله مالك ليه متعصب
ويقول صايم أنا وعطشان
حر فى حر وجسمى مكسر
وبقالى يومين مانع دُخان
طب جربت تسبح ربك ؟
ولا قريت وِرْد القرآآن ؟
ده كل مازاد الحر فى يومك
كل مازاد الأجر كمان
أد ماتذكر ولا تسبح
يضل لسانك بيه رطبااان
يلا نصلى جماعة أنا وأنت
مع التسبيح ورا كل آذان
بعدها نقرا شوية فى سيرة
تلقى اليوم عدا أوااام
من غير ما تكسر ولا تكشر
تكسب أجر ثوابه جِنااان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: