حوار مع قلمى

حوار مع قلمى

ــــــ *** ــــــ

سكت القلم عن الكلام

قلت له

اتكلم يا قلم

اهمس وعبر بــ حروفك

احكى عن الألم

 

قال . يفيد بأيه الكلام

بتحكى عن اللى هويته

بين الضلوع خبيته

وكان جزاك الندم

 

قلت . احكى عن هوايا

وقول أصل الحكاية

خليها تبقى عِبْرة

قصة حبيب اتظلم

 

حَب ومن غير حدود

وماكان فى الوجود

اغلى من هواه

وكل اللى جناه

الحسرة والألم

 

قال . كفاية هلاك

مليت أنا معاك

بتحكى عن هواك

وتقول عندى حبيب

توصف وترسم فى حُسنه

وتحكى للناس عنه

وكل اللى شفته منه

قلب زى الصنم

 

قلت . احكى وقول بــ قلبى

وبلاش تتكلم أنت

الحب هو حبى

وحبيبى لو ظلمنى

برده ساكن فى قلبى

 

الحب ده ابتلاء

واصله من العطاء

ومهما شفنا منه

نرجع تانى وننسى

مانشوفش غير مزايا

مع كل بسمة وهمسة

 

جربت تقول بحب . ؟؟

طب جرب وابقى قولى

وساعتها هسمعك

ومهما سمعت منك

عمرى ما هوجعك

يلا دَوِن اكتب

ماتقولش بصدعك