جريدة أحوال مصر
و أقول لك إيه !
أنا ساكت
و بــ أرسمني
بلون باهت
و لو أنطق
و أقول أنا مين
هــ أعرّفني
بصوت خافت
أنا الضايع
مع الضايعين
و أنا اللي كبست
قلبي حنين
أنا أهوَن
من المساكين
و لــ لقمة شوق
بــ أتهافت
أنا المهموم
و أنا الموهوم
بــ شيئ تافه
و أنــا التافه
و أنا السلطان
مع السلاطين
و لي إنجازُ
لا يُذكر
أنا اللاشيئُ
و المنكر
لــكن عايش
مع العايشين
بكلمة منهم
أتدفّى
و بــ أستكفى
بكلمة حُب
مع إن الكلمة دي
مــــاتــت !!
