يا أم الضفاير دهب

 
يا أم الضفاير دهب
يا حلوة يا طاهرة
وياكى شفنا العجب
وقالوا دى ثورة
فرحت أنا وهللت
وقلت أكيد نصرة
تنجدنا  تحمينا
من كل ايد غادرة
 
وهتفنا ودعينا
ياااارب قوينا
واتغيرت احوال
تورينا الاهوال
دماء كتيرسالت
لا حول ولا قوة
 
ثورة دى أيه يا اولاد
ماتركزوا شوية
ضحكوا علينا وقالوا
باسمك ياحرية
 
الثورة كانت فى يناير
وبعدها غِية
كل الكراسى وبس
ومصر مش هى
 
كل الوشوش اتغيرت
وكله غش فى غش
يطلع علينا الواحد
لابسله مليون وش
 
وكله ركب الموجة
وخلاص بقت هوجة
 
مديت ايديك يا خسيس
وخربتها علينا
غيرت كل جميل
مَوِتُه فى عنينا
سلم يارب منهم
ياااارب
نجينا

 

 

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: