جريدة أحوال مصر
بتبعد ليه وتقتلنى
بـ نار الشوف فـ بعادك
وتعند ليه وتهملنى
تعال بلاش بقى عنادك
معاك روحى معاك قلبى
معاك النوم هجر عينى
ليالِ طوال أنا فــ حبى
ودمعة ليلى تواسينى
لما تقولى وحشتينى
دمعة عينى تتبسم
تعالى حبيبتى سامحينى
والشوق مابينا يتقسم
بحن ليك وأنا مسامحة
وبنسى حزنى والآمى
وامحى أثر كلمة جارحة
ساعة ما اشوفك ادامى
بشوف ساعتها هنايا معاك
واشوفنى رايحة معاك على فين
دى كل لحظة وانا وياك
كانت سعادة مابين قلبين
وحتى لما بتتعصب
عودت قلبى يتحمل
وعمرى منه مابستغرب
ماهو بغرامك اتجمل
لازم يكون بقى مسامح
لقلب كل مناه يلقاه
ولا يقدر يكون جارح
مع حبيبه اللى تمناه
يلا تعال هلكنى الشوق
وعتاب يصفى بينى وبينك
بتمنى بس تقولى هـ روق
واشوف اشارة من عينك
