جريدة أحوال مصر
تعيش الفنانة الشابة/ منى ممدوح اسعد لحظات حياتها المهنية نتيجة ردود الفعل الجيدة حول ادوارها خلال شهر رمضان بالاضافة الى اشتراكها في المنافسة ضمن موسم عيد الفطر بفيلم “ولاد رزق” مع النجوم : احمد عز وعمرو يوسف واحمد الفيشاوي واحمد داوود
وقد اختلفت ادوار “منى” في الفترة الاخيرة من دورها في مسلسل “اسرار” في شخصية “كاميليا” وهي مدمنة والتي تدربت عليها جيدا او بلغة التمثيل ذاكرتها كويس قبل ما تقدمها للناس ، و بعد ذلك ظهرت كصحفية طيبة في رمضان وبتحب صاحبتها جدا واقنعت المشاهد بقلبها الطيب في دور نجلاء في الصعلوك وفاجئت الناس كلها ان كل ده كذب و انها متسطلة وبقالها سنة ونص جنب صديقتها دي عشان تجمع معلومات
وقد صرحت منى ممدوح وقالت : سعيدة برد فعل الناس على اعمالي قبل وخلال رمضان حيث اشتركت في مسلسل “اسرار” مع النجمة/ نادية الجندي ، وفي رمضان في مسلسل “الصعلوك” مع النجم / خالد الصاوي وهي لم تكن اول مرة لاني تعاملت معه من قبل في مسلسل “اهل كايرو” مع المخرج المتميز/ محمد علي ، فالنجم/ خالد الصاوي شخصية جميلة ومحترمة
واضافت منى : بالاضافة للصعلوك اشتركت مع النجم / كريم عبد العزيز ، والمخرج المبدع/ وائل عبد الله في مسلسل وش تاني ، ودي كانت اول مرة لكني استمتعت جدا لانه بياخد باله جدا من كل تفصيلة او اي دور حتى لو كان مشهد ، وبيهتم بالممثل لغاية ما يطلع احسن ما عنده من اداء اما النجم المحترم/ كريم عبد العزيز ده فعلا بيحب شغله جدا وبيساعد اي ممثل انه يظهر احلى ما عنده وروحه حلوة ، وكانت مفاجأة كبيرة لي نجاح دور ليلى – وهي قوادة هاي استايل دمها خفيف – خصوصا ان بعد ظهوري تقريبا بوقت قليل تلفوني مابطلشي رن وكلام جميل اوي من كل الناس واحلى تعليق ربنا يفرح قلبك زي ما قدرتي تضحكينا من قلبنا ، خصوصا ان صعب اوي فنان يضحك الناس بجد فبكيت فرحاً وحسيت براحة نفسية وعرفت اني نجحت بجد وان دي بقت مسئولية عليا ولازم افضل قدها ان شاء الله
اما دوري في فيلم العيد “ولاد رزق” فبقدم فيه شخصية “شهد” هو دور صغير هيكون مفاجأة للناس ،و المخرج الكبير/ طارق العريان قالي انه مكنش محتاج فيه واحدة شكلها حلو او ممثلة وخلاص لكنه كان محتاج تركيبة معينة للدور واول كلمة قالها بعد اول مشهد صورته ضحك جامد وقالي :انتي بالنسبة لي مفاجأة وكمان الفنان/ احمد عز ضحك وقالي : فعلا برافو
واختتمت منى حديثها وقالت اتمنى ان دور “شهد” في الفيلم يعجبكوا واني افضل اقدم شخصيات مختلفة واكون عند حسن ظنكم
