جريدة أحوال مصر
لمحت الدمعة فى عيونك
وانا عارف
سببها منين
عشان يا حبيبتى قسمونا
وفى الشارع
بقينا اتنين
فريق نادى بشرعية
وفريق بيقول دى همجية
وانا التاااااااايه
مابين الاتنين
لمحت الدمعة فى عيونك
وانا عارف
سببها الآآآآآه
دى حرقة أُم بتودع
شهيد فُرْقة إلى مولاه
وأب بيبكى من حزنه
رصاصة غدر
جت فى ضناه
لمحت الدمعة فى عيونك
وأنا حاسك
حزينة لــ حرب بين اهلك
مابين آه وبين لأه
صرختى بأعلى صوت فيكى
وراااح حِسك
لمحت الدمعة فى عيونك
وأنا من دمى ببكيكى
مانا منك وانا ليكى
وروحى رخيصة علشانك
وبعمرى يا مِصر افديكى
لمحت الدمعة فى عيونك
وبدعى يا أُمى من قلبى
واناجى ربنا يصونك
