رؤيا الثورة

شوفت منام ليلة الثورة

ماهتمتش
ولا فكرت كمان انا فيه

قلت هواجس او تفكير

عدى عليا من اللى انا فيه

بلدى حزينة وانا مهمومة

هيكون ايه ؟

ماشية فى شارع كله زحام

عالم ثااااايرة

ضرب وجرى وناس مذهولة

قمت انا جارية

زى الناس خايفة بدور

اشوف لى مكان

اتخبى وحاااايرة

فجأة لاقيت اتنين اعرفهم

جم اخدونى

مسكوا ايديا وعدوا الشارع

وع البيت بعتونى

مدرس مسلم اسمه سمير

والتانى قبطى برده سمير

ياما درسونى

سنين وايام عدت بيا

ياااااااه
جم فكروووونى

بس أكيد قابلونى لــ حكمة

ارداها الله

علشان اعرف اننا واحد

وقت الشدة

لازم نحمى بلدنا معاهم

والأيد واحدة

ماشى يا ابو سمرة انت وهو

فهمت المعنى لكلمة وِحْدَة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: