جريدة أحوال مصر
فيها لا أخفيها أعتقد أن فى مصر لسة فيه ناس بتفكر بالطريقة دى لو حس انه مش حياخد حتة من التورتة ولازم تندهش من غير ما أجيب لحضرتك زوزو لأنها راحت عليها مقارنة بأنك تلاقى المدنيين بيستقوا على المدنيين بالجيش واللى حيخليك تندهش وتفتح بقك كمان أن اللى بيطالب بتدخل الجيش والاستعانة بيه هو اول من انكر بشدة التعاملات الهمجية للقوات المسلحة مع المعتصمين فى ميدان التحرير من سحل و ضرب وتعرية .
الامر كمان ما وقفش عند الاستقواء بالجيش وبس لأ دة حيتعملوا كمان مليونية وأحتمال يطفوا فيها الشمع بعد ما يخلصوا ،ها أندهشت ولا لسة.
الغريب فى الأمر جديا أننا قمنا مع بعض الكل بثورة ضد فساد حاكم من العسكر وبعد ما أتخلع تظاهر الجميع ضد المجلس العسكرى وهتف الجمع يسقط يسقط حكم العسكر .
بعد كل دة احنا اللى عايزين نرجع الحكم العسكرى بأيدينا بدعوات من بعض اصحاب المصالح اللى مش عارفين ياخدوا نصيبهم وحاسين انهم اضحك عليهم.
كفاكم أنانية وأعترفوا بفشلكم السياسى.
