احساسى

احساسى
ـــــــــــ *** ـــــــــــ
لسة بمشى ورا احساسى
أنا فى هواك
رغم إنى مازلت بآسى
وأنا وياك
 
يمكن حبى زيادة شوية
أو لإنك غالى عليا
دايماً انسى دايماً أغفر
كل آسية
 
طب و لأمتى يا قلبى
حــ نفضل كده فى عذاب
أحنا فى وادى وهو فى وادى
كله ضباب
عالم تانى حَجَبْ الرؤية
بلا اسباب
 
أه لو يقدر يفهم قلبى
كنت حكيت له
 على اللى أنا فيه
يمكن وقتها يرحم حبى
قبل مايندم بكرة عليه
يظهر إنه ماعادش فاكرنى
وفايت قلبى مع أمانيه
 
ولا يمكن عامل ناسى
وهو كمان زيك بيآسى
وسابنى أمشى ورا احساسى
 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: