جريدة أحوال مصر
هى القسمة رمتنى فــ دربك
تتقـــل تعـــند برده بحبــك
واللى يحب مايعرف يآسى
وده درس وعلمتـــه لقلبك
هى القسمة مانقدر نعتب
والمكتوب ع جبينا ما يهرب
قدرى وقدرك نبقى حبايب
اوعى فـ يوم على قلبى وتلعب
هى القسمة وجمعت بينا
خدنا هوانا معاه فى الجنة
اوعى العند فى حبك ليا
ولا تسمح له يفرق بينا
هى القسمة وراضية انا بيها
كلمة فـ غنوة راح اغنيها
قلبى لقلبك حضن ودافى
قصة حروفى اللى بتحكيها
