سعيد عبدالعزيز

سعيد عبد العزيز يكتب… المصري الفصيح عايز حوار صريح

دائماً ما أتخيل عند الجلوس بمفردي كمواطن مصري بسيط أري ما يحدث في وطني من تغيرات ظاهرة للعين و ملموسة علي الجانب الإجتماعي و عندما إستوقفني كلمات السيد الرئيس و دعوته لحوار وطني مخلص من كافة أطياف المجتمع فظهرت لي شخصية المواطن الفصيح الذي يحلم مع رئيسه قلت يا واد عايز إيه من الحوار و ليه الحوار و شكله ها يكون إيه
قلت لنفسي لو الحوار إنساني جميل أن نسمع بعضنا لبعض و نحكي و نعيد و نزيد و لو يا واد يا فصيح لو الحوار الإقتصادي عندنا الإقتصاديين منهم في مصر كتير و لو كان الحوار السياسي ما شاء الله بعدد الشعب المصري سياسيين و لو كان الحوار ديني هو مش الأزهر منارة الإسلام علي أرض مصر؟ طيب يا واد يا طيب و كل دا بكلم نفسي لو الحوار علاقات عامة طيب ما كلنا عارفين بعض و لو كان الحوار للتصوير الكل معاه هاتفه و لو كان الحوار شو و سوشيال ميديا يا نهار أبيض ها تبقي هاصت و يا واد لقيت بختك و بعد تفكير و سرحان قلت إرجع يا واد و اتكلم بصوت العقل مع الإحتفاظ بلقب مواطن مصري بسيط
يعني إيه حوار وطني مجتمعي
قلت أخاطب صاحب الدعوة الكريمة و أطلب منه حاجات عشان يكون الحوار مفيد وًيكون نجاحه أكيد زي ما تمناه الرئيس و يحاول جاهداً أن يجعل مصر منبر للمشاركة
أنا عايز حوار فيه كل الأطياف ما عدا فصيل أراد للدماء عنوان لبرنامجه و هو فصيل معروف
أنا عايز حوار فيه المثقف و الأكاديمي و المفكر و المستقل و المهني و الفلاح و الشاب و الفتاة و الحزبي و أهمهم أنا عايز المصري الأصيل الذي يضع مصلحة وطنه فوق الجميع
أنا عايز حوار فيه المعارض الذي يصحح مسار و لا يهدم إنجاز عايز معارض يشارك في الحوار و مش عايز معارض مشاكس جاء كي يعارض عشان ياخد اللقطة
أنا مش عايز حوار دون سقف للموضوعات أنا عايز سقف يحميني و أشعر أنني داخل صومعة الوطن و مش مكشوف أمام العالم
عايز حوار يكون بعيد فيه كل مرتشي أو سارق أو طامع في منصب مش عايز نائب إشتري أصوات مش عايز صحفي منافق مش عايز كاتب مزور للتاريخ مش عايز مفكر ديكتاتوري عايز أشعر أنني حر في إستيعاب فكره أو أيدي عدم رضائي
عايز حوار لا أخاف منه بل أخاف علي وطني و عايز حوار فيه إختلاف مش خلاف و خناق
عايز حوار كل واحد يتكلم فيه يكون فاهم عنوانه و يكون علي دراية بكل آماله و آلامه
عايز حوار يحترم ذاتي حتي لو كان اللي بيتكلم هايقعد مكاني عايزه يكون أمين عشان أحب بلدي و إبني يقول آمين
عايز حوار ديني يكون فقيهي أزهري يقول الحق و يريح ضميري و يكون عالم وسطي يفهمني ديني
عايز الفلاح الفصيح اللي يحمي الأرض و يقول عايز سماد من غير سموم أو سرطانات و يراعي ضميره عشان قوت الناس
عايز شباب و شابات يتعلمو الحكمة من الكبار يستمعوا الأول و بعدين الدور عليهم بالكلام نفتح لهم قلوبنا و ناخد فكرهم و ننفذه لو كان فكرهم بناء
عايز توصيات وًعايز قانون ملزم الكل فيه مشارك
عايز حوار شامل مش عايزه دمار شامل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: