جريدة أحوال مصر
انا ملاحظ الايام دي ان في نداءات كتيرة جداا من كل الاطراف المتصارعة في مصر كل طرف فيهم بينادي اتباعه انهم يتصدوا للفئة المعارضة اثناء تظاهراتهم والغريب والمزهل اني لاحظت ان رجال الامن والقوات المسلحة يشجعوا مؤيديهم علي التصدي لمظاهرات الاخوان وفي نفس الوقت بيتم نفس الشئ من قبل قيادات الاخوان وكان مصر ليس بها لا وزارة داخلية ولا وزارة دفاع ولا امن قومي ولا اي جهاز امني ..والجميع ينادي ويناشد باتصدي للاخر وهم للاسف يجهلوا انهم بيشجعوا الشعب علي حرب اهلية لا يعلم مداها الا الله ….
احنا كلنا وانا اول من يقف ضد البلطجة والارهاب والتدمير والحرق ايا كان وايا كان سبب الاعتداء ولكن ..يجب ان يعي الجميع ان مصر لابد ان يكون فيها وزارة داخلية فعالة وبشكل علمي وحرفي متحضر وعلي ما اعتقد ان الوزارة قادرة علي وقف اي خارج علي القانون و…بالقانون …ولكن الغريب ان الجميع يتكلم عن ان جهاز الشرطة ليس قوي وانه ضعيف ..وانا بس عاوز اعرف لييييييه ؟؟؟ليه جهاز الشرطة ضعيف وليه مش عارف يقوم بمهامه علي افضل شكل …هلي عدد القوات لا يكفي ؟؟هل ينقصهم خبرات في التعامل ؟؟؟هل ينقصهم المال والمعدات والاجهزة ؟؟؟؟
لو جهاز الشرطة عنده اسباب بسببها هو ضعيف يا ريت يقولوا لنا ولو المشكلة في المال لشراء معدات واجهزة ساكون اول المتبرعين ..
والي وزارة الدفاع اسئلة كثيرة اهمها وهي اننا متفقين اننا فوضنا الوزارة للدفاع عن امن مصر والتصدي للارهاب …ولكني الاحظ في الوقت الحالي ان البلطجة ذادت وان الارهاب ذاد بشكل بشع …طب ممكن نعرف وزارة الدفاع ايه اللي بينقصها وايه هو الخلل اللي فيها هي الاخري ؟؟وهل صعب علي وزارة الدفاع اللي فوضناها انها تثبت الامن في مصر بالقانون والحزم دون اراقة دماء ؟؟؟
الشئ الغريب اني ملاحظ ان الوزارتين ومعهم نخبه من المثقفين والكتاب بيشجعوا الشعب علي التصدي منه لنفسه لاي تظاهرة سواء مؤيد او معارض من غير ما ياخدوا بالهم وده برضه غريب جدا انهم بكده بيشجعوا الشعب علي بداية حرب اهلية …لان للاسف اغلب من هم في الشارع سواء مع الاخوان او مع الجيش هم من طبقة لا تعرف معني التظاهرات المتحضرة وجميعهم يسعوا فقط للشجار واخراج ما بداخلهم من طاقة سلبية وضعف واحتياج وقلة حيلة …
ارجوا من الجميع ان يتخذ الحذر في اللي بيقوله واللي بيشجع الناس عليه وارجو من النظام الحالي ان يتعلم من اخطاء من سبقه..واي تحرض علي خروج اي فئة ضد الفشة التانية هو تحريض علي حرب اهلية ستقضي علي الجميع ….الجميع …..
واقول للجميع اننا عشنا 30 سنة واحنا مانعرفش دستورنا بيقول ايه وخلعنا رئيس واحنا ما نعرفش دستورنا بيقول ليه وخلعنا رئيس تاني واحنا ما نعر فش دستورنا بيقول ايه …وهانخلع اي شخص مش بيعمل لصالح مصر برضه سواء عارفين دستورنا او مش عارفينه …ومعني كلامي ان الجميع لازم يفوق ويعرف ان مشكلة مصر مش في نعم او لا للدستور لان المشكلة اعمق من كده بكتيييييييييييييييييييييييييييير … وارجو ان يكون اللي عاوز اوصله للجميع وصل
