جريدة أحوال مصر
عايش لوحدي متهمِش .. أبويا ع العرش متعرَش
وأنا مع إني إبن الوالي .. إلا إن حالي ما يسرِش
على طول ف خلاف و صراع .. و المسافات بينهم متباعده
دي دايماً متزعببه .. و لو هتقعد تهديها محتاج مية قاعده
والتاني ولا داري .. ولا يعرف أي شيء عني
مع إن المفروض أبويا .. يبقى أقرب ليه مني
قولت أخرج . أهج .. يمكن الاقيلي صديق
يسمع مني . يساعدني .. يرشدني الطريق
سبتله نفسي .. و جرني من إيديَّ الاتنين
بقى اللي يقولي عليه و لو إيه .. أوام أقوله آمين
المفروض إن الصديق وقت الضيق ..وإنك تبقى ليه صاحب
كنت فاكرك هتحللي مشاكلي .. و هتكون لي للسعاده ساحب
إنت يا اللي مفروض صاحبي .. خنتني و ضحكت عليه
أوهمتني بإن المخدِر حـل .. و هتبقى بيه الحياه ورديه
وقعت للأسف في الفخ .. و إكتشفت كذب كلامك
مشيت عكس الإتجاه .. و كانت بوصلتي أوهامك
لا هيه حل للمشاكل .. ولا دي سر السعاده
دي تغيب عن الواقع .. و أضرار فوق العاده
ده تمويت لنفسي بالبطيئ .. و إنتحار مؤدب
دي أصلاً حاجه حرام .. ده مجرد وهم مُعَلَـب
من اللحظه دي أنا فوقت .. و عرفت راسي من رجلي
راسي علشان أفكر بيها .. و الرجل بيها للصح نجري
تواصلت مع ذاتي .. و هعيش بالطريقه الصح حياتي
أنا قررت بنفسي أبدأ .. أنا قررت أمتنع عن التعاطس
