جريدة أحوال مصر
ساكنة ع الكورنيش لكنى
بينى وبين نيلك حواجز
نفسى اعدى وحاسة إنى
حاضنة موجة شوق وعاجز
نفسى نرجع تانى نسهر
نفسى اكسر كــــل حاجز
**********
الليالى كانت جميلـــة
نحكى عنها كتير حكاوى
نركب المركب ونبعد
نتمايل ونقول غناوى
**********
كنا نحكى وهــو يسمع
الحزين قبــل السعيــد
ننسى كل حزن نرجع
والقلوب مولود جديد
*********
كنـــا نمشى ع الرصيف
والايدين تحضن هواهــا
نسمة باردة فــ حر صيف
يعزف الاحساس غناها
*********
كل شئ اصبح مخيف
والامان جوانـــا راح
حتى ابسط حــــق لينا
قصاد عنينا وغير مباح
هَــوِن الايام يــــــاربى
وامحى ليلنا بنورصباح
