ليه يا مصر بنِجرَحِك ..؟؟

ليه يا مصر بنجرَحِك.. ليه يا مصر بنوجَعِك ؟..
ليكي ولاد غدَروا … وليكي ولاد تحرُسِك
وليكي ولاد رَحَلوا .. من قبل ما توَدَعِك ..
برصاصة غدر وش الفجر قدام دارِك وعلى مَسمَعِك
وانا بامسَح دمعِك .. وسط الأنين واحضُنِك
و احِب على يدِك .. وأبوس واستسمَحِك ..
لا اللي راح راجِع .. ولا اللي جاي حَيفرَحِك ..
يا اللي زرعتي الخير و قلَبناه حَنضَل بيسَمِمِك ..
غِفِلنا كتيير …. وفضِلنا سنين ما بنِسمَعِك
لا اللي حَكم عَدَل ولا محكوم أنصَفِك …
ولادِك.. أحفادِك تاهِت واتشَتِتِت على عَتبِتِك ..
سامحينا يا أمي واغفِري نسينا أخلاقِك وتربيتِك ..
وراجعين حالفين … نصون كرامتِك وعِزِتِك
واللي يجرَح أو يوجَعِك نجيبُه أسير والكون يسمَعِك
و ارجَع وأبوس على يدِك واستسمَحِك
مواطن من أهل مصر